காதல் வேதம்-கண்ணில் என்னென்ன மயக்கம்

பாடல்: கண்ணில் என்னென்ன மயக்கம்
பாடியவர்: ஹரிஹரன்
எழுதியவர்:வைரமுத்து
இசை:உத்பால் பிஸ்வாஸ்
வருடம்: 1998

Get this widget Track details eSnips Social DNA

பல்லவி

கண்ணில் என்னென்ன மயக்கம்
வார்த்தை நெஞ்சோடு துடிக்கும்-2

சோகம் சந்தோஷம் கலந்து
என் நெஞ்சில் பாரங்கள் கனக்கும்-கண்ணில்

சரணம்-1

பாலைவனமொன்றில் விழுந்தேன்
நீரே இல்லாமல் அலைந்தேன்
உயிரே உலர்கின்ற நேரம்
உயிரில் துளியாக விழுந்தாய்-2

வாழ்வில் நான் கண்ட வரமே
யாரும் பாடாத ஸ்வரமே-2

பொங்கும் மின்சாரச் சிரிப்பில்
எந்தன் வாழ்வு
அர்த்தங்கள் பெறுமே-கண்ணில்

சரணம்-2

காயம் ஆறாத போதும்
கண்ணீர் என் காயம் ஆற்றும்
கண்ணீர் ஆற்றாத போதும்
உன் கண்கள் காயங்கள் ஆற்றும்-2

பூமி தொடாத மழைப் போல்
புனிதம் உன் கண்ணில் பார்த்தேன்-2

ஜீவன் போகின்ற போதும்
சின்னக் கைகள்
என் நெஞ்சில் சேர்ப்பேன்-கண்ணில்